انسان کے ذہن میں اختیاری اورغیر اختیاری طور پر مختلف قسم کے  خیالات اور وسوسے آتے رہتے ہیں ،ان پر شرعی حکم مرتب نہیں ہوتا۔طلاق کے وقوع کے لیے زبانی تلفظ ضروری ہے۔محض شک اور وسوسہ کی بنا پر  طلاق واقع نہیں ہوتی۔

          صورت مسئولہ میں چونکہ مذکورہ شخص  نےزبان سے نہ طلاق کےصریح الفاظ استعمال کیے ہیں اور نہ ہی کنائی ،لہذامحض  وسوسہ اور ذہنی خیال آنے کی وجہ طلاق واقع نہیں ہوتی اگرچہ اس خیال کے ساتھ نیت بھی  کیوں نہ کی ہو،اس لیے کہ شرعاً وقوع طلاق کے لیے کلمات طلاق کی ادائیگی ضروری ہے۔اسی طرح عموجی (کارٹون نما بندہ)کی تصویر بھیجنے سے طلاق واقع نہیں ہوتی اور نہ گولیاں چلاتا بندہ طلاق کے کنائی معنی میں آتا ہے۔

أن من تشاجر مع زوجته فأعطاها ثلاثة أحجار ينوي الطلاق ولم يذكر لفظا لا صريحا ولا كناية لا يقع عليه.(ردالمحتارعلى الدرالمختار،كتاب الطلاق،ركن الطلاق،3/230)