مسجد خداکا مقدس اور پاکیزہ گھر ہے ثواب کی نیت سے اس میں رقم خرچ کی جاتی ہے اور ثواب کے حصول کے لیے مال کا حلال ہونا اور ہر قسم کے خبث سے پاک ہونا ضروری ہے ، اسی وجہ سے فقہائے کرام نے اس بات کی تصریح کی ہے کہ ہر قسم حرام کمائی خواہ سود کے پیسے ہو یا چوری وغیرہ کے  مسجد میں استعمال کرنا ممنوع ہے لہذا تعمیر مسجد کے لیے حرام اور مشتبہ مال نہیں لیناچاہیے اگر کسی نے دے دیا تو اس کو واپس کردیا جائے۔

                 صورت مسؤلہ کے مطابق اگر واقعی مذکورہ  شخص کی آمدن کے تمام ذرائع حرام مال کے ہوں ،تو اس کے پیسوں کو مسجد کی تعمیر میں استعمال نہ کیا جائے۔

قال تاج الشریعۃ:اما لو انفق في ذالك مالا خبيثا و مالا سببه الخبيث و الطيب فيكره لان الله تعالى لا يقبل الا الطيب ، فيكره تلويث بيته بما لا يقبله (رد المحتار على الدر المختار ، كتاب الصلوة، با ب ما يفسد الصلاة و يكره فيها ج:2 ،ص431)