نماز ایک اہم عبادت ہے جس کو بلاعذر شرعی اپنے وقت سےمؤخر کرنا جائز نہیں، تاہم اگر کسی سے فرض نمازیں چھوٹ جائیں، تو اس کے لیے نوافل میں مشغول ہونے کی بجائے جلد از جلد اس کی قضا لوٹانا بہتر ہے، البتہ قضا نمازیں لوٹانے کے لیے  سنن مؤکدہ اور تراویح کو ترک نہیں کرنا چاہیے ۔

          صورت مسئولہ میں اگر کسی شخص کے ذمے قضا نمازیں باقی ہوں، تو  اس کے لیے نوافل پڑھنا جائز ہے، البتہ سنن مؤکدہ اور تراویح کے علاوہ دیگر نوافل کی بجائے فرض نمازوں کی قضا لوٹانا بہتر ہے۔

(ويجوز تأخير الفوائت) وإن وجبت على الفور... وقال العلامة ابن عابدين: وأما النفل فقال في المضمرات: الاشتغال بقضاء الفوائت أولى وأهم من النوافل إلا سنن المفروضة. (رد المحتار مع الدر المختار، کتاب الصلوة، باب قضاء الفوائت، مطلب في بطلان الوصية بالختمات والتهاليل، ج:2،ص:536)