واضح رہےکہ مساقات کی شرائط میں سے یہ ہے کہ مدت متعین کی جائےاگرچہ وہ لمبی کیوں نہ ہو،تاہم ضروری ہے کہ اس وقت تک درخت باقی رہیں ۔ اسی طرح مالک یاعامل کو جو حصہ دیاجائے وہ طے شدہ اور معلوم ہومثلا تہائی یاچوتھائی وغیرہ،چنانچہ اگرعامل یا مالک کو مخصوص صاع(مثلا دس یابیس صاع)دینے کامعاہدہ ہو تو جائز نہیں کیو نکہ ہوسکتا ہے کہ سارا پھل اتنی ہی مقدار میں ہو۔اسی طرح اگر مساقات میں کام کرنے والے  کے لیے متعین رقم مقرر کی گئی تویہ بھی جائز نہیں کیونکہ ہوسکتا ہےکہ حاصلات  کی مقدار مقررہ رقم کے مساوی نہ ہو،لہذا  منافع معلوم رقم رکھنا درست نہیں بلکہ حصہ معلوم متعین کرنا ضروری ہے۔

وشرط المدة قياس فيها لأنها إجارة معنى كما في المزارعة. وفي الاستحسان: إذا لم يبين المدة يجوز ويقع على أول ثمر يخرج، لأن الثمر لإدراكها وقت معلوم وقلما يتفاوت ويدخل فيما ما هو المتيقن،۔(الهداية،كتاب المساقات،ج:4،ص:60)