کسی سے بلا سود قرض لینا یا ادھار معاملہ کرنا  جائز ہے، بشرط یہ کہ واپس ادا کرنے کی نیت ہو، تاہم جب  تک کوئی حقیقی حاجت درپیش نہ ہو، تو حتی الامکان اس سے بچنا چاہئے، چنانچہ اگر   کوئی ایسی ضرورت کی چیز ہو، جو متوسط درجے کے آدمی کی زندگی گزارنے کے لیے عرف عام میں ضروری سمجھی جاتی ہو، اور نقد اس کو خریدنے کی وسعت نہ ہو،  تو اسے ادھار یا قسطوں پر خریدنے کی گنجائش ہے، بشرط یہ کہ قرض کی ادائیگی کی نیت اور امید ہو، البتہ سامان تعیش و آرائش  کو  قسطوں پر خریدنا یا استطاعت کے باوجود ادھار خریداری کرنا کراہت سے خالی نہیں۔

       صورتِ مسئولہ کے مطابق اگر کسی شخص کی اتنی استطاعت ہے کہ نقد خرید سکتا  ہے، تو اسے ادھار معاملہ کرنے سے اجتناب کرنا چاہئے۔

لا بأس بأن يستدين الرجل إذا كانت له حاجة لا بد منها وهو يريد قضاءها ولو استدان دينا وقصد أن لا يقضيه فهو آكل السحت ( الفتاوی الھندیة،  کتاب الکراھیة، الباب السابع والعشرون في القرض والدين، ج:5، ص: 423)

ويزاد في الثمن لأجله إذا ذكر الأجل بمقابلة زيادة الثمن قصدا۔ (البحر الرائق، كتاب البيوع، باب المرابحة والتولية،ج: 6  ص:191، دار الكتب العلمية)