آدمی  اپنی زندگی میں اپنی مملوکہ جائیداد کا خود حق دارہوتا ہے کسی بھی رشتہ دار کو یہ حق  حاصل نہیں ہوتا کہ اس کی زندگی میں اس سے حصے کا مطالبہ کرے،اور اس کے بدلے میں حصہ میراث سے دستبردار ہو جائے،تا ہم اگر کوئی شخص اپنی زندگی میں  اپنی مرضی سے اپنے کسی بیٹے یا کسی اور رشتہ دارکو کچھ دے دے،اور وہ اپنی زندگی میں اس پرقبضہ کرے،تو شرعا یہ ہبہ متصور ہوگا،اوراس کا میراث سے کوئی تعلق نہیں ہوگا۔

          صورت مسئولہ میں بیٹے کےلیے یہ جائز نہیں ہے کہ وہ  اپنے باپ سے اس شرط پر معاہدہ کرے کہ وہ اس کو زندگی میں کچھ مال دے دے  اس کے بدلے وہ میراث میں کچھ نہیں لے گا ،تا ہم اگر باپ اپنی مرضی سے کچھ دے دے تو یہ ہبہ متصور ہوگا،چنانچہ  اس سے بیٹا میراث سے محروم نہیں ہوگا،البتہ بیٹے کو چاہیے کہ  وہ اپنا وعدہ پورا کرتے ہوئے مصالحت کے طور پر کچھ لے  کر اپنے حق سے  دستبردار ہوجائے،تا ہم  یہ اس کی رضامندی اور اختیار پر ہوگا،دیگر رشتہ داروں کے لیے یہ جائز نہیں ہے کہ وہ جبری طور پر اس کو میراث سے محروم کریں۔

‌

الإرث ‌يثبت بعد موت المورث۔(البحر الرائق،كتاب الفرائض،ج:9،ص:364)

قال النووي: أجمعوا على أن ‌من ‌وعد ‌إنسانا شيئا ليس بمنهي عنه فينبغي أن يفي بوعده۔۔۔فلو تركه فاته الفضل وارتكب المكروه كراهة شديدة۔(مرقاة المفاتيح،كتاب الأدب،باب المزاح،ج:9،ص:130)