اگر کسی عورت کا شوہر فوت ہوجائے اور وہ حاملہ نہ ہوتو اس پرچار ماہ دس دن عدت گزارنا واجب ہے ۔عدت کے دوران عورت شوہرکےاس گھر میں رہے گی ، جس میں شوہر کے موت سے قبل وہ دونوں رہ رہے تھے ۔تاہم اگر کسی عورت کو شدید عذر پیش آئے،مثلا:اپنے نفس یا عصمت کے لیے خطرہ ہویا گھر گر جانے کا خطرہ ہویا گھر کے کرایہ دینے کا کوئی انتظام نہ ہو توان اعذارکی بنا پرعورت کے لیے نقل مکانی کرنا مرخص ہے،تاہم شدید عذر کے بغیر نقل مکانی نہیں کرسکتی۔

         صورت مسئولہ کے مطابق متوفٰی کی بیوہ اسی کرایہ کی گھر میں عدت  گزارےگی ،جس میں شوہرکی موت سے قبل وہ دونوں رہ رہے تھے ۔البتہ اگراوپر بیان کردہ کسی مجبوری کی بناپر وہ عورت اس گھر کو تبدیل کرنا چاہے توگنجائش ہوگی۔

(وتعتدان)أي معتدة طلاق و موت(في بيت وجبت فيه)ولا تخرجان منه(إلا أن تخرج،أو ينهدم المنزل أو تخاف)انهدامه أو(تلف مالها أو لا تجد كراءالبيت)ونحو ذلك من الضروريات،فتخرج لأقرب موضع إليه.(الدرالمختار على صدر ردالمحتار،كتاب الطلاق، باب العدة،5/225)

المتوفى عنها زوجها تخرج نهارا وبعض الليل ولا تبيت في غير منزلها...على المعتدة أن تعتد في المنزل الذي يضاف إليها بالسكنى حال وقوع الفرقة أو الموت... المعتدة لا تسافر لا للحج و لا لغيره. (الفتاوى الهندية،كتاب الطلاق،الباب الرابع عشر في الحداد،1/587.586(