واضح رہے کہ  اگر کسی شخص نے بیوی کی طلاق کو کسی شرط کے ساتھ معلق کیا تو شرط کی موجودگی میں طلاق واقع ہو جائے گی۔

          صورتِ مسؤلہ میں اگر  ان چاروں بیٹوں ميں سے كسی نے تقسیم کے وقت کچھ نہ چھپایا  اور یہ چاروں اسی حالت میں بٹوارا کر لیں تو کوئی طلاق واقع نہ ہو گی۔ لیکن اگر کسی نے کچھ  اشیاء پوشیدہ رکھے ہوں   اور اس کے بعد یہ چاروں بھائی بٹوارا کریں  تو اس صورت میں جس    بھائی نے  بھی جدا ہوتے  وقت اپنا مال چھپایا یا کسی اور کے پاس  زیور یا سامان وغیرہ کی صورت میں  رکھا تو ایسا کرنے والے کی بیوی  پرتین  طلاقیں  واقع ہو جائیں  گی۔

           تین طلاق سے بچنے کے لیے یہ حیلہ اختیار کیا جا سکتا ہے کہ اگر کوئی بھائی بٹوارے کے وقت کچھ چھپانا چاہے تو  وہ تقسیم سے اتنا پہلے  اپنی بیوی  کو ایک طلاق بائن   دے دے،  کہ تقسیم سے پہلے پہلے اس کی عدت بھی ختم ہو جائے۔ پھر تقسیم کے وقت اگر وہ کچھ چھپائے گا تو شرط واقع ہو جائے گی لیکن اس وقت چونکہ اس  کی بیوی    اس کے نکاح میں نہیں ہو گی، اس لیے کوئی  طلاق واقع نہ ہو گی، اور شرط بھی پوری ہو جائے گی ۔ اس کے بعد   یہ  اپنی بیوی   کے ساتھ تجدیدِ  نکاح کرے ۔ نکاح کے بعد اسے دو طلاقوں کا اختیار حاصل ہو گا ۔

وإذا أضافه إلى الشرط وقع عقيب الشرط مثل أن يقول لامرأته إن دخلت الدار فأنت طالق۔ (الفتاوى الهندية، كتاب الطلاق، الفصل الثالث في تعليق الطلاق بكلمة إن وإذا وغيرهما، ج1، ص420)

فحيلة من علق الثلاث بدخول الدار أن يطلقها واحدة ثم بعد العدة تدخلها فتنحل اليمين فينكحها۔(ردالمحتار مع الدرالمختار، كتاب الطلاق، مطلب في اختلاف الزوجين في وجود الشرط،ج3، ص355)