واضح رہے کہ  وہ اجیر جو کسی خاص مدت کے اندر اپنی خدمات سپرد کر کے اجرت کا مستحق بنتا ہے اجیر خاص کہلاتا ہے۔   اجیر خاص کی ذمہ داری ہےکہ وہ مقررہ مدت میں اپنے آپ کو ذمہ داری کے لیے حوالہ کرے اور اس دوران کسی  اور کام میں مشغول نہ ہوورنہ وہ  تنخواہ کا مستحق نہیں ہو گا اسی طرح اس کو  یہ اختیار حاصل  نہیں کہ کسی اور شخص کواپنی  ڈیوٹی سر انجام دینے  پر مقرر کر لے۔

         صورت مسؤلہ کے مطابق سرکاری  ٹیچر اس وقت تنخواہ لینے کا مستحق ہوتا ہے، جب خود اپنی  ڈیوٹی  مقرر کردہ اوقات میں پوری  کرے،چنانچہ کسی ٹیچر کے لیے    اپنی جگہ کسی دوسرے شخص کو  مقرر کرنا جائز نہیں ۔ تاہم حکومتی قوانین کے مطابق   ملازمین کو جس مقدار میں چھٹیوں کی اجازت ہوتی ہے اگر حسبِ ضابطہ اسی مقدار میں چھٹیاں کرے تو ان چھٹیوں کے ایام کی تنخواہ لے سکتا ہے، لیکن اگر مقررہ مقدار سے زائد غیر حاضر رہتا ہے تو ان ایام کی تنخواہ لینا جائز نہیں گا۔

وَالْخَاصُّ الذي يَسْتَحِقُّ الْأُجْرَةَ بِتَسْلِيمِ نَفْسِهِ في الْمُدَّةِ , وَإِنْ لم يَعْمَلْ۔ (تبيين الحقائق، باب الخلع، ج5،ص134)

إذااستأجررجلايوماليعمل كذافعليه أن يعمل ذلك العمل إلى تمام المدةولايشتغل بشیء (الفتاوى الھندیة ،كتاب الاجاره الباب الثالث،ج:4،ص:247)

الأجيرالذي استؤجرعلى أن يعمل بنفسه ليس له أن يستعمل غيره(دررالحكام شرح مجلة الأحكام،المادة:571،ج:1،ص:5619)