واضح رہے کہ حکومت کی طرف سے  سرکاری ملازمین کو جومراعات اس طور پر  ملتی ہیں کہ صرف ملازم کو استعمال کی اجازت ہو،کسی اور کو اس میں شریک کرنے کی اجازت نہ ہوتو شرعا ملازم کے لیے ان مراعات میں کسی اور کو شریک کرناجائز نہیں۔

         واپڈا ملازمین کو جو فری یونٹس ملتے ہیں،ہماری معلومات کے مطابق محکمہ ان ملازمین کوفری یونٹس کا مالک نہیں بناتابلکہ صرف ان کو استعمال کی اجازت ہوتی ہے،چنانچہ ان ملازمین کے لئے محکمہ کی طرف سے یہ اجازت نہیں ہوتی کہ کسی اور کو  یہ یونٹس مفت یا بالعوض استعمال کےلیے دے دے،لہذا  جب محکمہ کی طرف سے یہ اجازت نہیں ہے تو شرعا بھی اس کی اجازت نہ ہوگی۔

أن المباح له ليس له أن يبيح لغيره۔(تبيين الحقائق،كتاب العاريه،ج:5،ص:83)

لا يجوز لأحد أن يتصرف في مال الغير بلا إذنه،وعدم الجواز شامل لجميع انواع التصرف من استعمال كركوب،ولبس ووضع جذع على حائط، ودخول دار ومرور بأرض،ومن اعارة وايداع واجارة وصلح  وهبة وبيع ورهن وهدم وبناء۔(شرح المجلة،المادة:96،ج:1،ص:262)