واضح رہے کہ شریعت مطہرہ کی روسے  نکا ح کرنے کے بعد لڑکا اور لڑکی  ایک دوسرے کے لیے حلال ہو جاتے ہیں۔لہذا اگر لڑکا، لڑکی کا شرعی اصولوں کے مطابق نکا ح ہوا ہو یعنی دو گواہوں  کی موجودگی  میں باقاعدہ ایجاب و قبول ہو چکا ہو تو دونوں کی آپس میں ملاقات اور  سلام کرنے میں شرعاً کوئی قبا حت نہیں۔البتہ جس علاقہ میں نکاح کے بعد رخصتی سے قبل میاں بیوی کی ملاقات   کو معیوب سمجھا جاتا ہو تو عزت و ناموس کے تحفظ کی خاطر ملاقات سے گریز کرنا چاہیے۔  کیونکہ بسا اوقات  ایسے افعال  معاشرے میں خاندان کی بد نامی کے ساتھ ساتھ  فساد کا  با عث بن جا تے ہیں،اس لیےحتی الوسع اس سے گریز کرنا  ضروری ہے۔

(هو) عند الفقهاء (عقد يفيد ملك المتعة) أي ‌حل ‌استمتاع الرجل۔( الدرالمختارعلی صدر ردالمحتار،كتاب النكاح ،ج 4 ، ص59)