سوال

ہمارے گاؤں  عبد الخیل لکی مروت کی کل آبادی ماضی قریب (2017) میں کی گئی، مردم شماری کے مطابق  4940 تھی، اور اب ظاہر ہےکہ 5000 سے متجاوز ہوگی۔ جس میں کل 10 مساجد ہیں، اور تقریبا ہر مسجد میں بچوں کے لیے درس یعنی حفظ وناظرہ کا اہتمام بھی ہے، جبکہ باقاعدہ طور پر دو(2) مدرسے ہیں، جن میں رہائشی اور مسافر طلبانہیں ہوتے۔ عصری تعلیم کے لیے ایک ہائیر سکینڈری اسکول، تین (3) پرائمری اسکول لڑکوں کے لیے، ایک پرائمری اسکول لڑکیوں کے لیے ، جبکہ ایک گرلذ مڈل اسکول ہے۔اسی طرح گاؤں میں کل تقریبا40 (چاليس)  جنرل سٹور ہیں، جن میں سے دو(2) کے اندر ایزی لوڈ اور ایزی پیسہ کی سہولت موجود ہے۔تين  (3)میڈیکل سٹور، نو (9) کپڑوں کی دکانیں ، چار (4) ٹیلر ماسٹر ہیں، جبکہ ویلڈنگ ، فریج، واشنگ مشین وغیرہ اور موٹر سائیکل میکینک کی سہولت بھی موجود ہے، اور یہ تمام دکانیں متصل نہیں ہیں۔ دو (2) پنکچر کی دکانیں، دڈیزل ایجنسیاں اور دو (2)آٹے کی چکیاں بھی ہیں۔ ایک پرائیویٹ  ڈاکخانہ اور دو ٹیوب ویل بھی ہیں جس سے لوگ پانی کی ضرورت پوری کرتے ہیں۔ ایک B.H.U ہسپتال ہے جس میں ایک ماہر MBBS ڈاکٹر موجود ہوتا ہے، اور ایک چھوٹا ہوٹل بھی موجود ہے۔اس کے علاوہ ہمارے جو دیگر بڑے معاملات ہوتے ہیں، جیسے قضا اور عدالت وغیرہ اس کے لیے لکی مروت شہر جاتے ہیں، جوکہ 27 کلومیٹر کے فاصلے پر ہے، اور تھانے کی ضرورت شہباز خیل سے پوری ہو جاتی ہے، جو کہ 14 کلومیٹر کے فاصلے پر ہے۔ اس پوری صورت حال کو مدنظر رکھتے ہوئے مذکورہ گاؤں میں جمعہ پڑھنا جائز ہے یا نہیں؟ہمارے گاؤں کے تقریبا دس (10) ڈاٹسن ہیں ،جو صبح کے وقت (10 بجے تک) لکی مروت شہر یا درہ وغیرہ جاتے ہیں،  جس کے بعد عموما لوکل سواری نہیں ملتی ، البتہ سکینڈ ٹائم میں اگر کسی کو ضرورت پیش آجائے ، تو ذاتی سواری یا ٹیکسی کے ذریعے ضرورت پوری کی جاسکتی ہے۔جہاں تک اہل خرفت كي بات ہے تو اس کی تفصیل یہ ہے، موچی، نائی اور لوہار کے مستقل طور پر پیشہ ور افراد موجود نہیں ہے، البتہ موچی اور نائی کا کام ضرورت کے درجہ میں ہوتا ہے، مستقل طور پر ان کی دکانیں نہیں ہے ، جب کہ پیشہ ور ترکھان  باقاعدہ طور پر موجود ہے۔

جواب

---

---