واضح رہے کہ دلہن کی رخصتی کے لیے شریعت میں کوئی ایسا طریقہ لازمی طور پر متعین نہیں جس سے مخالفت ناجائز ہو،چنانچہ جس علاقے میں دلہن کی رخصتی کے لیے جو با عزت طریقہ متعارف ہو اسی کو اختیار کیا جاسکتا ہے ،تاہم اس کی رعایت ضروری ہے کہ رسومات میں کفار کے ساتھ مشابہت یا کسی خلاف شرع امر کا ارتکاب نہ ہو ۔بعض روایات سے معلوم ہوتا ہے کہ اہل عرب میں یہ دستور تھا  کہ دلہن کی رخصتی کے وقت اہل خانہ کے کچھ لوگ اس کو خود لے جاتے تھے جیسا کہ حضرت عائشہ ﷞کو رخصتی کے وقت ان کی والدہ ام رومان ﷝لے کرگئی تھی ۔لہٰذا اس طریقے کواپنانا جائز ہے اور اس کو عار سمجھنا کم فہمی ہے۔

حدثنا ‌فروة: حدثنا ‌علي بن مسهر، عن ‌هشام، عن ‌أبيه، عن ‌عائشة رضي الله عنها: تزوجني النبي صلى الله عليه وسلم ‌فأتتني ‌أمي ‌فأدخلتني الدار، فإذا نسوة من الأنصار في البيت فقلن على الخير والبركة وعلى خير طائر.)صحيح البخاری،کتاب النکاح،باب الدعاء للنساء اللاتی یهدین العروس:ج2،ص775)۔