مویشیوں کی منڈی جو اکثر سرکاری زمین پر ہوتی ہے حکومت اس میں پانی ،سایہ اور حفاظت وغیرہ مختلف سہولیات کا انتظام کرتی ہے،اور اس کے بدلے حکومت تاجروں سے ٹیکس لیتی ہے وہ اجرت کے حکم میں داخل ہو کر اس کا لینا جائز ہے،اور ایسے تمام جائز امور میں حکومت  کی فرمانبرداری ضروری ہے، البتہ  اگرمشتری نے  منڈی کے اندرجانور  دیکھا ہو اورپسند بھی آیا ہولیکن کسی وجہ سے مشتری اور بائع کے درمیان اتفاق نہ ہو،اور وہی جانور مشتری منڈی سے باہر دیکھ لے اوربیع پر بائع اور مشتری کا اتفاق بھی آجائے تو اس صورت میں ٹیکس  نہ دینے سے حکومت کی حق تلفی نہیں ہوگی۔

            صورت مسئولہ میں اگر باقاعدہ عقد منڈی کے اندر ہوا ہو،اور صرف حوالگی باہر ہوئی ہو،تو اس صورت میں ٹیکس دینا ضروری ہے،البتہ ٹیکس نہ دینے کی وجہ سے بیع ناجائز نہیں ہوتی،اور نہ ہی قربانی پر کوئی اثر پڑتا ہے۔

(وأما بيان) (أنواعها) فنقول إنها نوعان: نوع يرد على ‌منافع ‌الأعيان كاستئجار الدور والأراضي۔(الفتاوی الهندية، الباب الاول في بيان تفسيرالإجارة و أركانها، ج:1، ص:411)

(قوله: أمر السلطان إنما ينفذ) أي يتبع ‌ولا ‌تجوز ‌مخالفته ۔۔۔ وفي ط عن الحموي أن صاحب البحر ذكر ناقلا عن أئمتنا أن طاعة الإمام في غير معصية واجبة۔  (الدرالمختار مع رد المحتار، مطلب طاعة الإمام واجبة، ج:5، ص: 422)