واضح رہے کہ جب کسی اجیر (اجرت پر کام کرنے والے) کے ساتھ وقت کے علاوہ کسی مخصوص کام کی انجام دہی کا معاہدہ بھی کیا جائے، اور اجرت کو اسی کام کی تکمیل کے ساتھ مشروط کیا جائے، تو صاحبین رحمھم اللہ  کے ہاں یہ عقد عمل پر ہوتا ہے، لہذا عمل سر انجام دینے پر ہی اجیر اجرت کا مستحق قرار پاتا ہے۔

          صورت مسؤلہ کے مطابق اگر  ادارے کا ضابطہ یہ ہو کہ وہ  اساتذہ کی  تنخواہ کوتدریسی نصاب کی تکمیل اور کاپیوں کی بروقت تصحیح کے ساتھ   مشروط کرتا ہے،اور فرائض کی  عدم تکمیل کی صورت میں تنخواہ کاٹتا ہے،  توعمل میں کوتاہی کی بناء پر  یہ  جائز ہے، بشرط یہ کہ منصفانہ کٹوتی ہو،  اسی طرح  تدریسی سال کی تکمیل کی شرط لگانا تعلیمی اداروں میں بچوں کے اوقات کو ضائع  ہونے سے بچانے کے لیے  مصلحت عامہ کا تقاضہ ہے، اور آج کل عرف میں بھی رائج ہے، اس لیے اس کی بھی گنجائش ہے۔ البتہ سیکورٹی کی مد میں جو رقم ادارہ اپنے پاس رکھتا ہے، تو یہ  ادارہ کے ذمہ قرض ہوگا، لہذا اگر استاد ادارے کے ضابطہ کے مطابق ذمہ داریاں پوری  کرکے ادارہ چھوڑنا چاہے، تو ادارہ ضمانت کی پوری رقم کی واپسی کا پابند ہوگا، البتہ اگر استاد معاہدے  کی خلاف ورزی کرکے   کوئی کام ادھورا  چھوڑ جائے،  تو ادارہ زرِ ضمانت میں  سے منصفانہ  کٹوتی کا  حقدار ہے،  جب کہ  بقیہ رقم کی واپسی ادارہ کےذمہ لازم ہوگی۔

(والثاني) وهو الأجير (الخاص) ويسمى أجير وحد (وهو من يعمل لواحد عملا مؤقتا بالتخصيص ويستحق الأجر بتسليم نفسه في المدة۔(ردالمحتار على الدرالمختار، كتاب الاجارة، باب ضمان الأجير، ج:9،ص:94)

إذا استأجر رجلا يوما ليعمل كذا فعليه أن يعمل ذلك العمل إلى تمام المدة ولا يشتغل بشيء آخر سوى المكتوبة۔(الفتاوى الهندية، كتاب الإجارة، الباب الثالث الأوقات التي يقع عليها عقد الإجارة، ج:4، ص:447)

(ومما يتصل بهذا الفصل إذا جمع في عقد الإجارة بين الوقت والعمل) إذا استأجر رجلا ليعمل له عملا اليوم إلى الليل بدرهم صباغة أو خبزا أو غير ذلك فالإجارة فاسدة في قول أبي حنيفة - رحمه الله تعالى - وفي قولهما يجوز استحسانا ويكون العقد على العمل دون اليوم( الفتاوی الھندیة، کتاب الاجارۃ، الباب السادس فى الإجارة على أحد الشرطين أو أكثر، ج4، ص:455 )

الإجارة بعد ما انعقدت صحيحة لا يسوغ للآجر فسخھا (المجلة لسليم رستم باز، کتاب الإجارۃ، المادۃ:441،ص:245)