شریعتِ مطہرہ کی رو سے میراث کے احکام میت کے ترکہ میں جاری ہوں گے ، یعنی وفات کے وقت جو مال میت کی ملکیت  ہو وہ ورثا میں  بقدرِ حصصِ شرعیہ تقسیم ہوگا۔ جو مال میت کی ملکیت نہ ہو ، بلکہ وفات کے بعد کسی پیکج یا مراعات کے طور پر ورثا میں سے کسی کودیا جائے تو وہ میراث میں تقسیم نہ ہوگا، لہذا صورتِ مسئولہ میں (1) دوران ِملازمت فوت ہونے کی صورت میں جو مراعات دیے جاتے ہیں اس میں میراث جاری نہ ہوگی ، بلکہ وہ متعلقہ ادارے کی طرف سے جس کو دیا جائے وہی اس کا حق دار ہوگا۔

2- ملازم کی تنخواہ  سے جو کٹوتی کی جاتی ہے یا ملازم خود کسی فنڈ وغیرہ کے لیے  جو اقساط جمع کرتا ہے وہ اس  کی ملکیت شمار ہوتی ہے، اس لیے ملازم کے فوت ہونے کی صورت میں وہ رقم  ورثا میں بقدرِ حصصِ شرعیہ تقسیم ہو گی۔

التركة في الاصطلاح ما تركه الميت من الأموال صافيا عن تعلق حق الغير بعين من الأموال۔(رد المحتار على الدر المختار، كتاب الفرائض، ج:10، ص:493)

العطايا لا يورث۔(الأشباه والنظائر،ص:495)

وتنعقد الهبة بالإيجاب والقبول وتتم بالقبض الكامل، لأنها من التبرعات والتبرع لايتم إلا بالقبض۔(شرح المجلة لسليم رستم باز، الباب السابع في الهبة، المادة: 837، ص:462)