مزارعت شرعا جائز ہے کہ مالک زمین کاشتکار  سے آمدن کے معلوم  حصے پر معاہدہ کر کے  زمین دیدے یعنی یہ کہے کہ مثلا  آمدن کا ایک تہائی تمہارا ہوگا اور دو تہائی میرا یا کسی بھی مشاع حصہ پر بات ہو جائے ۔ ایسی صورت میں ضروری  ہے کہ مزارعت میں جس عمل اور محنت کا تعلق  فصل  کے ساتھ اس کے پکنے کے زمانے  تک ہو تو وہ کاشتکار  کے ذمے ہے اور جن امور کا تعلق فصل  پر ہونے والے  اخراجات  کے ساتھ ہو  جیسے کھاد  آبیانہ ،فصل کی کٹائی اور تھریشر تو یہ تمام اخراجات  مالک زمین اور کاشتکار دونوں پر ان کے بقدر تقسیم کیے جائیں گے۔

           صورت مسئولہ کے مطابق اگر  مزارعت  ميں مالك زمين اور كاشتكار كے درميان  مشاع حصہ  پر بات ہو جائے تو  فصل پر دوائی اسپرےکرنے، کھاد  اور فصل کی کٹائی کا خرچہ مالک زمین اور کاشتکار دونوں  كے درمیان مشترک ہوگا۔تا ہم فصل سے  ناقص گھاس کا نکالنا (گوڈ)   کاشتکار کے ذمہ ہوگا۔

وأما أحكامها منها أن كل ما كان من عمل المزارعة مما يحتاج الزرع إليه لإصلاحه فعلى المزارع وكل ما كان من باب النفقة على الزرع من السرقين وقلع الحشاوة ونحو ذلك فعليهما على قدر حقهما وكذلك الحصاد والحمل إلى البيدر والدياس۔(الفتاوی الھندیة،كتاب المزارعة،الباب الأول،ج:5، ص:237)