فقہاءکرام کی عبارات سے معلوم ہوتا ہے کہ اگر کسی شخص نے خالی پلاٹ  میں لوگوں  کو یہ کہہ کر نماز کی اجازت دی کہ تم ہمیشہ کے لیے اس میں نماز پڑھو یا مطلق نماز کی اجازت دی لیکن اس کی نیت ہمیشہ کی اجازت کی تھی تو ان دونوں صورتوں میں وہ جگہ مسجد شرعی کے حکم میں ہوگی،البتہ اگر اس نے کہا کہ کچھ مخصوص مدت کے لیے اس جگہ میں نماز پڑھو یا مطلق اجازت دی لیکن نیت میں مخصوص وقت تک اجازت دینا تھاتوایسی صورت میں وہ جگہ مسجد شرعی کے حکم میں نہیں ہوتی۔

         صورت مسئولہ میں اگر پٹرول پمپ کے مالک نے ہمیشگی کے ساتھ نماز پڑھنے یا ہمیشگی کی نیت کے  ساتھ نماز پڑھنے کے لیے مسجد بنائی ہو تو یہ مسجد ، مسجد شرعی کے حکم میں ہے۔جس کا فروخت کرنا جائز نہیں۔تاہم اگر اس  نیت سے بنائی ہےکہ  مستقل مسجد نہیں بلکہ صرف  مخصوص مدت کے لیے لوگ اس میں نماز پڑھیں گے تو یہ مسجد شرعی کے حکم میں نہیں ہے،لہذا اس کا فروخت کرنا جائز ہے۔

وعندهما حبس العين على حكم ملك الله تعالى على وجه تعود منفعته إلى العباد فيلزم ولا يباع ولا يوهب ولا يورث ۔(الفتاوی الهندية،كتاب الوقف، الباب الأول في تعريفه ج:2، ص:350، دارالفكر)

رجل له ساحة لا بناء فيها أمر قوما أن يصلون فيها بجماعة فهذا على ثلاثة أوجه أحدها إما أن أمرهم بالصلاة فيها أبدا نصا بأن قال صلوا فيها أبدا أو أمرهم بالصلاة مطلقا ونوى الأبد ففي هذين الوجهين صارت الساحة مسجدا لو مات لا يورث عنه وإما أن وقت الأمر باليوم أو الشهر أو السنة ففي هذا الوجه لا تصير الساحة مسجدا لو مات يورث عنه۔(الفتاوی الهندية،كتاب الوقف، الباب الحادي عشر في المسجد وما يتعلق به، ج:2، ص:409، دارالفكر)