اگر کسی شخص نے  حالت کفر  میں کسی عورت سے نکاح کیا،اور پھر دونوں نے اسلام قبول کیا،تواگر  ان کو نکاح پر برقرار رکھنااسلام میں جائز ہو تو بغیر تجدید نکاح کےبدستور  بر قرار رکھا جائے گا ، اور اگر وہ نکاح اسلام میں حرام  ہو،تو زوجین میں تفریق کی جائے گی۔

           صورت مسئولہ کے مطابق جس شخص نے حالت کفر میں محرم سے نکاح کیاہو،پھر دونوں اسلام قبول کریں ، تو  چونکہ اسلام میں یہ نکاح  باقی نہیں رکھا جا سکتا اس لئے ان دونوں  میں تفریق کی جائے گی۔

 أما  المحرمات  بالنسب ما نص اللہ  تعالی في  قوله[حُرِّمَتۡ عَلَيۡكُمۡ أُمَّهَٰتُكُمۡ۔۔۔] الآیۃ۔ (فتاوی قاضی خان، کتاب النکاح، باب في محرمات ،ج:1،ص:314)

(وَلَوْ كانت مُحَرَّمَةً فُرِّقَ بَيْنَهُمَا ) أَيْ لو كانت مَنْكُوحَةُ الْكَافِرِ مَحْرَمًا له أَيْ لِلزَّوْجِ بِأَنْ كانت أُمَّهُ أو أُخْتَهُ فَأَسْلَمَ أَحَدُهُمَا أو كِلَاهُمَا فُرِّقَ بَيْنَهُمَا.(تبيین الحقائق،کتاب النکاح، باب نکاح الکافر،ج:2 ،ص:182)