واضح رہے کہ محلّہ کے لوگوں کے لیے محلّہ کی مسجد میں جماعت ثانیہ کرنا مکروہ ہے اور محلّہ کے لوگوں کے علاوہ باہر سے آنے  والوں کے لیے امام کے مصلیٰ سے ہٹ کرکےدوسری جگہ جماعت ثانیہ کرنا جائز ہے۔محلّہ کے لوگوں کے لیے جماعت ثانیہ اس لیے مکروہ ہے کہ اس کی وجہ سے پہلی جماعت جو اصل جماعت ہے وہ متاثر ہوجاتی ہے،کیونکہ لوگ اس پہلی جماعت کو کوئی اہمیت نہیں دیں گے،سستی اور غفلت کرکے دوسری جماعت کا انتظار کریں گے جو تقلیل جماعت کا باعث ہے اور باہر سے آنے والوں کے جماعت  ثانیہ کرنے میں چونکہ مذکورہ علّت (یعنی تقلیل جماعت)موجود نہیں،اس لیے ان کے لیے جماعت ثانیہ کرنا جائز ہے۔

            لہذا صورت مسئولہ میں مسافروں کے لیے محلّہ کی مسجد میں امام کے مصلیٰ سے ہٹ کرکے مسجد میں کسی بھی جگہ جماعت ثانیہ کرنا جائز ہے۔

وتقليل الجماعة مكروه، بخلاف المساجد التي على قوارع الطرق؛ لأنها ليست لها أهل معروفون، فأداء الجماعة فيها مرة بعد أخرى لا يؤدي إلى تقليل الجماعات، وبخلاف ما إذا صلى فيه غير أهله؛ لأنه لا يؤدي إلى تقليل الجماعة۔(بدائع الصنائع،كتاب الصلاة،فصل في بيان محل وجوب الأذان،ج:1،ص:655)