واضح رہے کہ جو مسجدیں محلہ اور آبادی سے متعلق ہوتی ہیں ایسی مسجدوں میں مقامی لوگوں کے لیے جماعت ثانیہ کرنا مکروہ ہے چاہے امام کے مصلی ٰ سے ہٹ کر کے ہیئت  بدل کر ہی کیوں نہ ہو،اس لیے کہ جماعت ثانیہ تقلیل جماعت کا سبب بنتی ہے ،البتہ مسجد سے متصل وہ کمرے جو مسجد کے حکم میں نہ ہوں ان میں جماعت ثانیہ پڑھنا اگر واقعی مسجد میں پڑھی جانے والی جماعت کی تقلیل کا باعث ہو تو پھر مکروہ ہے ورنہ نہیں ۔

            لہذا صورت مسئولہ میں مسجد کے ساتھ متصل کمرہ جو خارج از مسجد ہو تو خارج مسجد ہونے کی وجہ سے اس میں جماعت ثانیہ پڑھنا اگر چہ بنفسہ مکروہ نہیں ،البتہ اگر لوگوں نے معمول بنایا کہ تاخیر سے آکر دوسرے  کمرے میں نماز پڑھتے ہوں جوکہ مسجد میں پڑھی جانے والی جماعت کی تقلیل کا باعث بنتی ہو تو پھر ان کمروں میں بھی جماعت ثانیہ پڑھنا کراہت سے خالی نہیں،کیونکہ جماعت   ثانیہ کی کراہت کی علت جو فقہائے کرام نے ذکر کی ہے یعنی تقلیل جماعت وہ یہاں پر بھی پائی جاتی ہے۔

(ولنا) ما روى عبد الرحمن بن أبي بكر عن أبيه - رضي الله عنهما - أن رسول الله - صلى الله عليه وسلم - خرج من بيته ليصلح بين الأنصار لتشاجر بينهم فرجع وقد صلى في المسجد بجماعة فدخل رسول الله - صلى الله عليه وسلم - في منزل بعض أهله فجمع أهله فصلى بهم جماعة، ولو لم يكره تكرار الجماعة في المسجد لما تركها رسول الله - صلى الله عليه وسلم - مع علمه بفضل الجماعة في المسجد.(بدائع الصنائع،كتاب الصلاة،فصل في بيان محل وجوب الأذان،ج:1،ص:655)

ولأن التكرار يؤدي إلى تقليل الجماعة؛ لأن الناس إذا علموا أنهم تفوتهم الجماعة فيستعجلون فتكثر الجماعة، وإذا علموا أنها لا تفوتهم يتأخرون فتقل الجماعة، وتقليل الجماعة مكروه، بخلاف المساجد التي على قوارع الطرق؛ لأنها ليست لها أهل معروفون، فأداء الجماعة فيها مرة بعد أخرى لا يؤدي إلى تقليل الجماعات، وبخلاف ما إذا صلى فيه غير أهله؛ لأنه لا يؤدي إلى تقليل الجماعة۔(بدائع الصنائع،كتاب الصلاة،فصل في بيان محل وجوب الأذان،ج:1،ص:655)