ميــــــــــــــــــــــ(8)ـــــــــــــــــــــــــــــــــــــــت

  بیٹا         بیٹا          بیٹی        بیٹی        بیٹی        بیٹی

   2          2            1          1            1          1

            بشرط صدق و ثبوت اگر مرحوم کے مذکورہ بالا ورثا کے علاوہ کوئی اور قریبی وارث زندہ موجود نہ ہو تو بعد از ادائے حقوق متقدمہ علی الارث مرحوم کا ترکہ آٹھ(8) حصوں میں تقسیم کر کے بیٹوں میں سے ہر ایک کو2/8 حصے اور بیٹیوں میں سے ہر ایک کو 1/8حصہ دیا جائے گا۔

1. اگر والد نے اپنے بیٹوں اور بیوی کے نام گھر کا انتقال کر کے ان کو قبضہ بھی دیا تھا تو یہ گھر اس کی ملکیت سے نکل کر بیٹوں اور بیوی کی ملکیت میں داخل ہونے کی وجہ سے والد کے ترکہ میں شمار نہیں کیا جائے گا، تاہم اگر اس نے صرف انتقال ان کے نام کیا ہو اور اپنی زندگی میں ان کو قبضہ نہ دیا ہو تو اس صورت میں یہ گھر بدستور والد کی ملکیت میں رہے گا جو اس کی وفات کے بعد اس کے ترکہ میں شمار ہو کر اس کے شرعی ورثا کے درمیان اصول میراث کے مطابق تقسیم کیا جائے گا۔
2. اگر گاڑی بیٹے کی ملکیت میں تھی اور والد صاحب نے پانچ لاکھ روپے اس کو بہتر بنانے کے لیے بطور ہبہ دیے تھے تو قبضہ ہونے کی وجہ سے ہبہ تام ہوکر وہ رقم والد کی ملکیت سے نکل چکی تھی اس لیے اب اس کو والد کے ترکہ میں شمار نہیں کیا جائے گا، لیکن اگر گاڑی والد کی تھی تو اس صورت میں یہ رقم ہبہ شمار نہ ہوگی، اس لیے خرچ نہ ہونے کی صورت میں یہ رقم والد کی ملکیت میں برقرار رہ کر اس کے ترکہ میں شمار ہوگی۔ اس کے علاوہ والد کی وفات کے وقت اس کی ملکیت میں   جو بینک بیلنس وغیرہ موجود تھا وہ اس کے ورثا کے درمیان بقدر حصص تقسیم کیا جائے گا۔ 

قال اللہ تعالی:يُوصِيكُمُ اللَّهُ فِي أَوْلَادِكُمْ لِلذَّكَرِ مِثْلُ حَظِّ الْأُنْثَيَيْنِ. (النساء: 11)

(وتتم) الهبة (بالقبض) الكامل ۔ (الدر المختار علی صدر ردالمحتار، کتاب الهبة، ج:6،ص:664)

لأن تركة الميت ما تركه الميت من الأموال صافيا عن تعلق حق الغير بعين من الأموال. (ردالمحتارعلى الدرالمختار، كتاب الفرائض، ج:10،ص:493)