شریعت  مطہرہ کی رو سے اگر بائع اور مشتری باہمی رضامندی  سے مبیع کی واپسی پر متفق ہو جا ئیں تو یہ جائز ہے شرعی اصطلاح میں اس کو اقالہ کہا جاتا ہے۔اقالہ کرتے وقت اگر مبیع اپنی حالت پر ہو تو بائع کی  طرف سے ثمن اول میں کمی کا  مطالبہ جائز نہیں،البتہ اگر خریدار کے قبضے میں مبیع میں نقصان پیدا ہوا ہو تو ایسی صورت  میں پیدا شدہ عیب کے بقدر  قیمت کی  کمی جائز ہے۔

وتصح بمثل الثمن الأول وشرط الأکثر أوالأقل بلا تعیب و جنس آخر لغو، ولزمه بمثل الثمن الأول۔۔۔قوله :"بلا تعيب" إذ لوتعيب بعده جاز اشتراط الأقل ويجعل الثمن بإزاء ما فات بالعيب ولابد أن يكون النقصان بقدر حصةالفائت،ولا يجوز أن ينقص من الثمن أكثر منه۔(البحرالرائق شرح كنزالدقائق ،كتاب البيع باب الاقالة، جلد:6،ص:173،دارالكتب العلمية بيروت)