واضح رہے کہ حقِ وراثت اضطراری حق ہے جو ساقط کرنے سے ساقط نہیں ہوتا،  چنانچہ تقسیم سے پہلے کسی  وارث کا  اپنا حصہ چھوڑنا  یا  اپنا حصہ کسی کودینا معتبر نہیں ۔البتہ جب ورثا کے مابین باقاعدہ  میراث تقسیم کردی جائے اور تقسیم کرلینے کے بعد ورثا اپنے اپنے حصے پر قبضہ کرلیں تو پھر اگر کوئی وارث اپنا حصہ کسی کو دینا چاہے تو دے سکتا ہے۔

             لہذا صورتِ مسئولہ کے مطابق مرحومہ کے ورثا کا اس کے  زیورات  کو تقسیم کرنے  سے پہلے  پہلے مرحومہ کی ایک بیٹی کو دینا معتبرنہیں چنانچہ بعد میں مرحومہ کا کوئی بھی بیٹا  اپنے حق کا  مطالبہ کرسکتا ہے۔

لَا يجوزالابراء عَن الاعيان، وَيجوز عَن دَعْوَاهَا۔ الإرث جبري لايسقط بالإسقاط۔(تكملة ردالمحتار ، كتاب الدعوی ، باب التحالف ، ج: 11 ص: 678)

اعلم أن الإعراض عن الملك  أو حق الملك ضابطه أنّه  إن كان ملكا لازما لم يبطل بذلك كما لو مات عن ابنين فقال أحدهما: تركت نصيبي من الميراث لم يبطل لأنه لازم لا يترك بالترك۔۔(غمز عيون البصائر شرح الأشباه و النظائر ، الفن الثالث: الجمع والفرق ، باب ما يقبل الإسقاط من الحقوق ، ج: 3 ص: 53)