شریعت مطہرہ کی رو سے ہر شخص کواپنی زندگی میں مملوکہ  مال و  جائیداد  میں ہر قسم کے جائز  تصرفات کا حق حاصل ہے۔ چنانچہ اگر کوئی شخص ہوش وحواس میں اپنی  مملوکہ جائیداد اپنی اولاد کے درمیان  تقسیم کر کے ان کو  قبضہ بھی دے دے  ، تو یہ اس کی طرف سے احسان اور تبّرع( ہدیہ) شمار ہوتا ہے جو قبضہ سے تام ہو جاتا ہے۔

           لہذا صورت مسئولہ کے مطابق اگر کوئی خاتون اپنی خوشی سے اپنی جائیداد  اپنی اولاد کے مابین تقسیم کرے اور  ان کو قبضہ بھی دے دے، تو والدہ کی وفات کے  بعد  کسی وارث کو یہ حق نہیں پہنچتا کہ وہ والدہ کی تقسیم پر اعتراض کرے اوردوبارہ تقسیم کا مطالبہ کرے۔

ومنھا أن يكون الموهوب مقبوضا حتى لا يثبت الملك للموهوب له قبل القبض۔ (الفتاوى الهندية، كتاب الهبة، الباب الأول، ج4، ص374، دارالفكر)

وقال مشائخ بلخ الإرث يثبت بعد موت المورث۔(البحر الرائق، كتاب الفرائض، ج9، ص364، دارالكتب العلمية)