شریعتِ مطہرہ کی رو سے  اپنی ذاتی ملکیت  کی  چیز کسی کو بلا عوض دینا"ہبہ" کہلاتا ہے۔ اگر موہوب لہ (جس کو ہبہ کیا جارہا ہو) ہبہ کی ہوئی  چیز پر  واہب(ہبہ کرنے والے) کی زندگی میں  قبضہ کرلے تو اس سے ہبہ تام ہوجاتا ہے اور موہوبہ چیز واہب کی ملکیت سے نکل کر موہوب لہ کی ملکیت میں داخل ہوجاتی ہے، لیکن اگر  موہوب لہ نےواہب کی زندگی میں موہوبہ چیز  پر قبضہ نہیں کیا تو صرف کاغذات میں  کسی کے نام کرانے سے موہوبہ چیز  میں موہوب لہ کی ملکیت ثابت نہیں ہوتی ، بلکہ وہ بدستورواہب کی ملکیت میں رہتی ہے، اس لیے  واہب کی وفات کے بعد  اسے بھی میراث  میں تقسیم کیا جائے گا۔

             2-1لہذا صورتِ مسئولہ میں اگر   واقعی زید نے   پلاٹ کو صرف   بیٹوں کے نام کردیا ہو،لیکن اپنی زندگی میں ان کو قبضہ نہ دیا ہو اور وہ اس وقت بالغ بھی  تھے تو  زید کی وفات کے بعد  یہ پلاٹ ترکہ  شمار ہوگا، لہذا اس میں سب ورثا کا حصہ ہوگا ۔ اسی طرح سکول کی عمارت اور کاروبار جو زید نے چھوڑا ہے اس میں بھی  تمام ورثا حقدار ہوں گے، چاہے وہ بیٹے ہوں یا بیٹیاں ہوں۔

وتنعقد الهبة بالإيجاب والقبول وتتم بالقبض الكامل، لأنها من التبرعات والتبرع لايتم إلا بالقبض۔(شرح المجلة لسليم رستم باز، الباب السابع في الهبة، المادة: 837، ص:462)