سوال

داڑھی کی مقدار کیا ہے ؟کفایت المفتی کے ایک فتوی سے معلوم ہوتا ہے کہ ایک مٹھی سے اتنا کم کرنا کہ وہ واضح طور پر ایک مٹھی سے کم معلوم نہ وہ تا ہو تو یہ مکروہ ِتحریمی نہیں ۔کفایت المفتی کا فتوی درج ذیل ہے:

میرا خیال یہ ہے کہ داڑھی منڈانا یا منڈی ہو ئی کے قریب کتروانا حرام یا مکروہ تحریمی ہے کیو نکہ یہ امر اعفو اللحی کے خلاف ہے ۔اورایک مشت رکھنا مسنون ہے اور اس مقدارسے زیادہ کتروانا جائزہے۔اور یکمشت کی مقدار احادیث سے ثابت ہے اور وہ احادیث ظنی ہے اس لیے اس مقدار کو فرض یا واجب قرار دینا مشکل ہے،کہ اس کے خلاف کو فسق کہہ دیا جائے۔ ایک مشت کی مقدار کو میں مسنون کہتا ہوں اور اس کے خلاف کو مکروہ بھی کہتاہوں،مگر ایک مشت سے اتنی کمی کہ وہ دور سے ممیز نہ ہوسکے میرے خیال میں مکروہ اور ناجا ئز ہونے کے باوجود اس قابل نہیں کہ موجب فسق اور مکروہ تحریمی قراردیاجائے،ہاں مکروہ تنزیہی اور خلاف سنت کہہ سکتے ہیں، البتہ اتنی کمی کہ وہ بین طور سے یکمشت سے کم ہواورمنڈی ہوئی کے مشابہہ ہوجائے وہ مکروہ تحریمی کی حد میں پہنچ جاتی ہے۔جوعبارتیں فقہا کی نقل کی جاتی ہےان میں یکمشت کی کمی کی ان صورتوں کا حکم بیان کیا جا تاہے جو بین اور ممیز طور پر کمی کی ہے،اورجن کومشابہت بالنساء کے تحت داخل کیاجا سکتاہے وہ لعنت کے ماتحت میں آئیں گی۔ یہ بات میری اور ہر سمجھدار شخص کی سمجھ سے باہر ہے کہ جس شخص کے چہرے پر داڑھی ہے اوروہ یکمشت سے بقدر ایک ادھ انچ کم ہے اس کو کوئی شخص متشبہہ بالنساء قرار دیکر ملعون قرار دے سکے۔ یہ ظاہرہے کہ حدیث اعفواللحی سے اعفاء یعنی داڑھی بڑھانے کا حکم ثابت ہے لیکن یہ بھی یقینی ہے کہ اعفاء سے مرادغیرمحدودبڑھانا نہیں ہے،کیونکہ یکمشت سے زیادہ کتروانا بالاتفاق جائزہے،بلکہ طول فاحش کو بعض فقہانے مکروہ اور خفت عقل کی دلیل بھی قرار دیاہے،توجب غیرمحدودبڑھانامراد نہیں ہے تو کس قدر بڑھانالازم ہے ا س کی تحدید صرف ایک قبضہ والی روایت سے ہوسکتی ہے،لیکن وہ ظنی ہے یعنی اس مرتبے میں نہیں ہے کہ اس کو تحدیداعفاء کے لئے دلیل بنایاجاسکے، کیونکہ وہ فعلی روایتیں ہیں۔جن کا مفاد یہ ہو سکتاہے کہ قبضہ تک رکھ کر زیادہ کو کٹوانا ثابت ہے، لیکن قبضہ فرض ہے مسنون یا مستحب ہے اس کا فیصلہ ان حدیثوں سے نہیں ہو سکتا اس لیے اس کے سوا کوئی چارہ نہیں کہ ایک قبضہ کی حد کو مسنون قرار دیا جائے اور حلق یا قطعِ فاحش کو بوجہ مشابہت بالنساءیا مشابہت بالعجم کے مکروہِ تحریمی کہا جائے اور قطع ِیسیر غیر متمیز کوخلافِ سنت یا مکروہ ِتنزیہی کہا جائے۔

جواب

---

---