شرعی نقطہ نظر سے میراث کے احکام میت کے ترکہ میں جاری ہوں گے، یعنی جو چیز میت کی  ملکیت ہو اور اس کے ساتھ غیر کا حق متعلق نہ ہو وہ ورثا میں بقدرِ حصص شرعیہ تقسیم کی جائے گی اور جو چیز میت کی ملکیت میں نہ ہو اس میں میراث کے احکام جاری نہ ہوں گے۔اسی طرح  وصیت بھی اُسی چیز کی صحیح ہوتی ہےجو موصی (وصیت کرنے والے) کی ملکیت میں ہو۔ جو چیز موصی کی ملکیت میں نہ ہو اس کی وصیت کرنا بھی صحیح نہیں۔

            لہذا صورتِ مسئولہ میں اگر بیٹے نے ملازمت سے حاصل کی گئی ذاتی  رقم سے اپنے لیے اثاثے خریدے ہوں اور وہ اس کی ذاتی ملکیت میں ہوں تو ان اثاثوں کو میراث میں تقسیم کرنے کے متعلق والد کی وصیت نافذ نہ ہوگی اور یہ اثاثے میراث میں تقسیم نہ ہوں گے، البتہ اگر ملازمت کی رقم والد کی ملکیت میں دی ہو اور اس نے اس سے اثاثے خریدے ہوں تو ان اثاثوں کو میراث میں تقسیم  کیا جائے گا۔

لأن التركة ما تركه الميت من الأموال صافيا عن تعلق حق الغير بعين من الأموال۔ (ردالمحتار، كتاب الفرائض، ج:10، ص:493)

لايجوز لأحد أن يتصرف في ملك الغير بلا إذنه۔( شرح المجلة لسليم رستم باز، المادة:96، ص:61)