واضح رہے کہ والد کی وفات کے بعد اگر کوئی بچہ یا بچی اکثر مدتِ حمل(دوسال) گزرنے سے پہلے پیدا ہوجائے تو اس کو والد کے ترکہ میں حصہ ملے گا۔ ترکہ سے مراد وہ مال وجائیداد ہے جو موت کے وقت میت کی ملکیت میں ہو اور اس کے ساتھ غیر کا حق متعلق نہ ہو۔ جو مال وجائیداد میت کی ملکیت  میں نہ ہو وہ ترکہ میں شمار نہ ہوگا۔

            لہذا صورتِ مسئولہ میں حسبِ بیان جب سائل کے والد کی وفات کے تین ماہ بعد اس کی بہن پیدا ہوئی تو  والد سے ترکہ میں جو مال یا جائیداد باقی رہ گیا تھا اس میں سائل کی اس  بہن کا بھی  حصہ بنتا ہے، لیکن اس کے علاوہ  سائل نے اپنے چچا کے ساتھ ذاتی سرمایہ سے یا محنت سے جو  کاروبار کیا ہے اس میں بہن کا کوئی حصہ نہیں بنتا۔

لأن التركة ما تركه الميت من الأموال صافيا عن تعلق حق الغير بعين من الأموال۔ (ردالمحتار، كتاب الفرائض، ج:10، ص:493)

الحمل يرث ويوقف نصيبه بإجماع الصحابة رضي الله تعالى عنهم فإن ولد إلى سنتين حيا ورث وهذا إذا كان الحمل من الميت۔(الفتاوى الهندية، كتاب الفرائض، الباب السابع في ميراث الحمل، ج:6، ص:447)