واضح رہے  کہ کسی کام کے لیے متعین سرکاری ملازم اجیرِ خاص کہلاتا ہے اور اجیر خاص مقررہ ،دت میں مفوضہ ذمہ داری کے لیے اپنے آپ کو حوالہ کرنے پر اجرت کا مستحق بنتا ہے۔ مفوضہ ذمہ داری کے لیے اپنے آپ کو حوالہ کیے  بغیر اجرت کا مستحق نہیں بنتا۔ نیز بغیر استحقاق کے لی ہوئی رقم کو مالک تک پہنچانا لازم ہے، اس میں کسی قسم کا  تصرف کرنا جائز نہیں۔

             لہذا صورتِ مسئولہ میں استعفی دینے کے بعد تنخواہ کی جتنی رقم سائل  کے اکاؤنٹ میں جمع ہوئی ہے وہ رقم  سرکار کو واپس کرنا لازم ہے،لہذا اُسی یونیورسٹی کے اکاؤنٹ وغیرہ کے ذریعے رقم واپس کردی جائے اور اگر یہ ممکن نہ ہو تو پھر کسی دوسری یونیورسٹی یا پھر کسی دوسرےسرکاری ادارے میں جہاں ممکن ہو وہاں  رقم جمع کرادی جائے۔

(والثاني) وهو الأجير (الخاص) ويسمى أجير وحد (وهو من يعمل لواحد عملا مؤقتا بالتخصيص ويستحق الأجر بتسليم نفسه في المدة وإن لم يعمل(الدرالمختار مع ردالمحتار، کتاب الإجارة، باب ضمان الأجير،ج:9، ص:(90

والحاصل أنه إن علم أرباب الأموال وجب رده عليهم وإلا فإن علم عين الحرام لا يحل له ويتصدق به بنية صاحبه۔( رد المحتار على الدرالمختار، كتاب البيوع، مطلب في من ورث مالا حراما،ج: 7، ص:301)

لايجوز لأحد أن يتصرف في ملك الغير بلا إذنه۔( شرح المجلة لسليم رستم باز، المادة:96، ص:61)