میت کے ایصال ثواب   کے لیے مخصوص ایام میں خیرات وصدقات  کرنا اور  لوگوں کو  دعوت دینا اور باقاعدہ ایک تقریب کی شکل دینا  ایسے امور ہیں جن کا شرعا  کوئی ثبوت نہیں ہے، اس لیے فقہائے کرام  نے  تیجے،ساتویں  اور چالیسویں  کو بدعت کے زمرے میں شامل کیا ہے  تا ہم  ایسے مواقع پر جو کھانا  پکایا جاتا ہے  اس کا کھانا حرا م نہیں ہے  لیکن  اہل علم  اور مقتدی حضرات ایسے کھانے سے اجتناب کریں تا کہ ان کی شرکت کرنے سے لوگ جواز پر دلیل پیش نہ کریں اور ایک بدعت کو حوصلہ نہ ملے۔

ويكره اتخاذ الضيافة من الطعام من أهل الميت؛لأنه شرع في السرور لا في الشرور، وهي بدعة مستقبحة ، وروى الإمام أحمد وابن ماجه بإسناد صحيح عن جرير بن عبد الله قال "كنا نعد الاجتماع إلى أهل الميت وصنعهم الطعام من النياحة " وفي البزازية ويكره اتخاذ الطعام في اليوم الأول ، والثالثُ،وبعد الأسبوع ونقل الطعام إلى القبر في المواسم۔(ردالمحتار على الدرالمختار،كتاب الصلاة،باب صلاة الجنازة،مطلب في كراهية الضيافةمن اهل الميت،ج:3،ص:148)