شرعی نقطہ نظر سے زکوۃ ہر اس شخص پر واجب ہے جو کامل نصاب کا مالک ہواور اس پر سال گزر جائے،یعنی جس کے پاس ساڑھے سات تولہ سونا یا ساڑھے باون تولہ چاندی ہو یا ساڑھے باون تولہ چاندی کی قیمت کے برابر نقدی یا سامان تجارت ہو۔تاہم اگر کسی کے پاس دو ناقص نصاب ہوں(یعنی کچھ سونا ہو اور کچھ چاندی )تو پھر ان کو اجزا کے اعتبار سے ملا یا جائے گا،اگر  نصاب پورا ہوتا ہو تواس پر زکوۃ واجب ہوگی ورنہ نہیں۔

          صورت مسؤلہ کے مطابق چار ماشے سونا اور ساڑھے چھ ماشے چاندی چونکہ دو ناقص نصاب ہیں ،اور اگراجزا کے اعتبار سےدونوں کوملایا جائےتو ایک  نصاب پورا نہیں ہوتا،لہذا اس پر زکوۃ لازم نہیں۔

ومنها كون المال نصابا فلا تجب في أقل منه۔(الفتاوى الهندية،كتاب الزكوة،الباب الأول في تفسيرها،وصفتها،وشرائطها،ج:1،ص:233)

ولو ضم أحد النصابين إلى الآخرى حتى يؤدي كله من الذهب أو من الفضة فلا بأس به ولكن يجب أن يكون التقويم بما هو أنفع للفقراء قدرا ورواجا۔(الفتاوى الهندية،كتاب الزكوة،الباب الثالث في زكاةالذهب والفضة والعروض،ج:1،ص:241)