شریعتِ مطہرہ کی رو سے قرض کا معاملہ کرتے وقت کوئی ایسی شرط لگانا درست نہیں جس میں قرض دینے والے کا فائدہ ہو، بلکہ قرض خواہ کا شرط لگا کر کسی بھی صورت میں فائدہ  حاصل کرنا سود کے زمرے میں داخل ہوکر ناجائز اور حرام ہے۔

            صورتِ مسئولہ کے مطابق یہ معاملہ قرض لینے کے بدلے دکان اجارہ پر دینے کا وعدہ کرناہے، البتہ قرض خواہ کا اس شرط پر  قرض دینا  کہ مارکیٹ بننے کے بعد اسے دکان کرایہ پر دیا جائےگا،قرض پر نفع کی شرط لگانا ہے اس وجہ سے  یہ معاملہ ناجائز ہے۔

وأما الذي يرجع إلى نفس القرض فهو أن لا يكون فيه جر منفعة فإن كان لم يجز ۔۔۔ أو أقرضه وشرط شرطا له فيه منفعة لما روي عن رسول الله صلى الله عليه وسلم أنه نهى عن قرض جر نفعا ولأن الزيادة المشروطة تشبه الربا لأنها فضل لا يقابله عوض والتحرز عن حقيقة الربا وعن شبهة الربا واجب۔(بدائع الصنائع، كتاب القرض، فصل في الشروط، ج:10، ص:597)