واضح رہے کہ کسی متعین شخص، کمپنی یا ادارہ کی جانب سے کسی کام پر مامور شخص اجیر کہلاتا ہے پھر اگر وہ اجیر صرف مستاجر ہی کے واسطے کام کرنے کے لئے اجارہ پر رکھا گیا ہو  تو اجیر خاص اور اگر متعین وقت میں کسی ایک متعین شخص یا کمپنی کے لئے کام کرنے کا پابند  نہ ہو تو وہ اجیر مشترک کہلائے گا۔

          صورت مسئولہ میں ایزی پیسہ دوکاندار اجیر مشترک  ہے اور  اجیر مشترک کام مکمل کرنے کے بعد اجرت کا حقدار ہوتا ہے لہذا  دوکاندار کے لئے ایزی پیسہ کمپنی کی طرف سے ٹرانزیکشنز پر ملنے والی کمیشن لینا جائز ہے تاہم دوکاندار کا اپنے نمبر پر رقم منتقل کرنے سے حاصل ہونے والے کمیشن کی وجہ سے اگر کمپنی کی کسی قانون کی خلاف ورزی نہ ہو رہی ہو اور نہ ہی کوئی دھوکہ دہی ہو تب اس طرح کا کمیشن لینا جائزہےورنہ جائز نہیں۔

(فالأول من يعمل لا لواحد ) كالخياط ونحوه ( أو يعمل له عملا غير موقت ) كأن استأجره للخياطة في بيته غير مقيدة بمدة كان أجيرا مشتركا وإن لم يعمل لغيره ( أو موقتا بلا تخصيص ) ۔۔۔۔۔ ( ولا يستحق المشترك الأجر حتى يعمل۔  (الدر المختار ، كتاب الإجارة ، باب ضمان الأجير ،ج:9، ص:88)

لا يجوز لأحد من المسلمين أخذ مال أحد بغير سبب شرعي۔ (البحر الرائق ، فصل في التعزير ، ج:5، ص:68)