واضح رہے کہ جس عمل کےکرنے میں بالذات کوئی گناہ نہ ہو تو اس کے کرنے اور اس کے بدلے اجرت  لینے میں شرعاً کوئی قباحت نہیں۔

            صورت مسئولہ میں سینما ہال کی تعمیر کرنا بھی چونکہ ایسا عمل ہے کہ جس میں بالذات کوئی گناہ نہیں، کیوں کہ یہ عمارت سینما کے علاوہ کسی جائز مقصد کے لیے بھی استعمال ہوسکتی ہے، اس لیے اس کی تعمیر میں کام کرنا اور اس کی اجرت وصول کرنا معمار یا مزدور کے لیے جائز ہے۔

(قوله وجاز تعمير كنيسة) قال في الخانية: ولو آجر نفسه ليعمل في الكنيسة ويعمرها لا بأس به لأنه لا معصية في عين العمل. (ردالمحتار على الدرالمختار، كتاب الحظر والإباحة، باب الاستبراء وغيره، ج:9،ص:62)