واضح رہے کہ اگر کسی شخص  کا سفر شرعی  کی مسافت کے بقدر سفر  کرنے کا حتمی ارادہ نہ ہو بلکہ یہ امکان ہو کہ کم فاصلہ طے کرے گا یا سفر شرعی کی مسافت  کے بقدر یا اس سے زیادہ مسافت طے کرے گا تو ایسی صورت میں یہ شخص  مسافر شمار نہیں ہوگا۔

          لہذا صورت مسئولہ کے مطابق  اگر کوئی شخص  مدرسہ کے لیے چندہ  کی غرض سے اپنے شہر سے نکلے اور حتمی طور پر یہ طے نہ کرے  کہ وہ مسافت شرعی کے بقدر سفر کرے گا  یا اس  سے کم مسافت پر جانے کے بعد دوبارہ لوٹے گا تو اس صورت میں وہ مسافر شمار نہیں ہوگا چاہے جتنا بھی دور چلا جائے  لہذا پوری نماز پڑھے گا۔ تا ہم اگر واپسی میں  سفر شرعی کی بقدر  یا اس سے زیادہ  مسافت ہو تو اس  صورت میں قصر کرے گا۔

( من طاف الدنيا بلا قصد لم يقصر)۔ وقال ابن عابدين (قوله: بلا قصد) بأن قصد بلدة بينه وبينها  يومان للإقامة بها فلما بلغها  بدا أن يذهب إلي بلدة  بينه وبينها  يومان وهلم جرا۔ح ۔قال في البحر: وعلى هذا قالوا أمير خرج مع جيشه في طلب العدو ولم يعلم أين  يدركهم  فإنه يتم  وإن طالت المدة أو المكث؛ أما في الرجوع فإن كانت مدة سفر قصر۔ اھ۔ ۔ (الدر المختار مع ردالمحتار، باب صلاة المسافر،ج:2، ص:122)