شریعتِ مطہرہ کی رو سے جب کوئی شخص کسی کام کے ہونے پراپنی مملوک معین چیز کسی معین شخص کو دینے کی نذر مان لے تو اس کام کے ہونے کی صورت میں  نذر کو پورا کرنا لازم ہے، البتہ اس معین چیز کے علاوہ اس کی قیمت سے بھی نذر پورا کرنا جائزہے۔ نیز متعین فقیر کو کوئی چیز دینے کی نذر ماننے کی صورت میں  اسی شخص کو دینا لازم نہیں، بلکہ اس کے علاوہ اگر کسی دوسرے فقیر کو وہ چیز دے دی تو بھی ذمہ فارغ ہوگا۔

صورت مسئولہ میں جب جھومر کے دینے کی نذر مانی تھی وہ کسی اور کو دینے کی صورت میں اس کی قیمت دی جاسکتی ہے ، لہذااندازے سے اس جیسے جھومر کی قیمت دی جائے۔نیز پہلے سے متعین کیے ہوئے شخص کے علاوہ کسی اور کو دینا بھی جائز ہے۔

نذر لفقراء مكة جاز الصرف لفقراء غيرها---- نذر أن يتصدق بعشرة دراهم من الخبز فتصدق بغيره جاز إن ساوى العشرة كتصدقه بثمنه۔(الدرالمختار على صدر ردالمحتار، كتاب الأيمان، ج:5، ص: 524-525)