واضح رہےکہ پنشن حکومت کی جانب سے سرکاری ملازم کےلیے ایک عطیہ ہو تاہے، جواس کی زندگی میں اس کو ملتا رہتاہے اور اس کی وفات کے بعد سرکاری قوانین کے مطابق یہ پنشن کسی وارث کے نام کردیاجاتاہے۔ 

       صورت مسئولہ کے مطابق پنشنر کی وفات کے بعد چونکہ قانونی لحاظ سے اس کے پنشن کا حق ختم ہو گیا ہےاس لیےمتعلقہ ادارہ اوربینک کووالدصاحب کی وفات سےلاعلم رکھ کر دستخط شدہ چیک کے ذریعےبیٹے کےلیے پنشن کی رقم نکال کراستعمال کرنا ناجائز ہے، البتہ والدصاحب  کی وفات کے وقت ان کے اکاؤنٹ میں اگر کوئی رقم پہلے سے موجودتھی تووہ اس کے مالک تھے لہذا اس میں وراثت کے احکام جاری ہوں گے،  بیٹے کے لیے ضروری ہے کہ متعلقہ ادارے کو اپنے والد صاحب کی وفات کی خبر دے، پھر حکومت قوانین کے مطابق جس کے نام یہ پنشن جاری کردے تو یہ اس کا حق ہوگا ،دیگر ورثا اس میں شریک نہیں ہوں گے۔

لايجوز لأحد أن يتصرف في ملك الغير بلا إذنه۔( شرح المجلة لسليم رستم باز، المادة:96، ص:61)

الترکۃ فی الإصطلاح ما ترکہ المیت من الأموال صافيا عن تعلق حق الغير بعين من الأموال۔(رد المحتار، كتاب الفرائض، ج:10، ص:493)