واضح رہے کہ نفلی روزے رکھنا باعثِ اجر و ثواب اور تقربِ الہی کا ذریعہ ہے ۔البتہ صومِ علی کے نام سے مخصوص و متعین اوقات میں تین یا سات دن تک مسلسل روزوں کے  اہتمام کا شرعاً کوئی ثبوت نہیں ۔اسی طرح اس میں   سحری اور افطاری باقاعدہ طور پر کرنے کی بجائے فقط جو کے ایک دانہ یا پانی کے ایک قطرہ پر اکتفا کرنا  خود کو بلاوجہ مشقت وحرج میں مبتلا کرنا ہے ،جس کی شرعاً گنجائش نہیں ،چنانچہ اسی وجہ سے نبی کریمﷺ نے صومِ وصال سے منع فرمایا ہے ، لہذا صومِ علی کے نام سے مخصوص اوقات میں اس مخصوص کیفیت کے ساتھ روزوں سے اجتناب کرنا لازم ہے۔

قال الله تعالى:﴿وَلَا تُلْقُوا بِأَيْدِيكُمْ إِلَى التَّهْلُكَة﴾(البقرة:195)

عن ابن عمر رضي الله عنهما، أن النبي صلى الله عليه وسلم، نهى عن الوصال، قالوا: إنك تواصل، قال: «إني لست كهيئتكم إني أطعم وأسقى»۔(الصحيح لمسلم ، كتاب الصوم ، باب النهي عن الوصال في الصوم ، ج: 3 ص: 500 ، مكتبة البشرى)

وكل مباح يؤدي إليه فمكروه۔(الدرالمختار ، كتاب الصلاة ، باب سجود التلاوة ، ج: 2 ص: 598)