واضح رہے کہ حادثاتی طور پر موت واقع ہونے کی صورت میں پسماندہ گان کوحکومت یا کسی ادارے کی طرف سےملنے والی رقم عطیہ اور تبرع شمار ہوتی ہے۔اس لیے حکومت یا اسی ادارہ  کے قانون کے مطابق جس کوجتنی رقم کا مستحق قرار دیا جائے اس حساب سے یہ رقم تقسیم ہوگی۔اس میں وراثت جاری نہ ہوگی۔لہذا صورت مسئولہ میں  متوفی کے حادثاتی موت کے بعد اس کے والدین کے لیے منظور ہونے والی رقم حکومت کی طرف سے عطیہ ہے۔لہذا متعلقہ ادارہ کے ذمہ دار افسران سے معلوم کرکے ان کی پالیسی کے مطابق اسے تقسیم کیا جائےگا۔

"العطاء لایورث عنه"(شرح الأشباہ والنظائر، ج:2، ص:495،)

"الترکة فی اللإصطلاح ما تركه الميت من الأموال صافيا عن تعلق حق الغير بعين من الأموال"(ردالمحتار علی الدرالمختار، کتاب الفرائض، ج:10، ص:493،)