واضح رہے کہ دو آدمیوں کا آپس میں  کسی چیز کو مشترکہ طور پر خریدنےکا وعدہ کرنے کے بعد اس کی پاسداری  کرنا شرعا دونوں پر لازم ہے اور اس معاہدہ کی خلاف ورزی  کرنا جائز نہیں ۔ تاہم اگر کوئی اس معاہدہ کی خلاف ورزی کر کے اس چیز کواکیلے  اپنے لیے خرید لے اور دوسرے کو اس میں شریک نہ کرے تو وہ معاہدہ کی خلاف ورزی کی وجہ سے گناہ گار تو ہو گا، لیکن  وہ چیز اس کی ذاتی ملکیت شمار ہوگی۔

             لہذا صورتِ مسئولہ میں مشترکہ طور پر زمین خریدنے کا وعدہ کرنے کے بعد اگر کسی ایک  نے اپنے لیے زمین خرید لی اور دوسرے کو اپنے ساتھ شریک  نہیں کیا تو  اس میں دوسرے  شخص کا اس کے ساتھ شرکت کا  حق نہیں بنتا۔ تاہم معاہدہ کی خلاف ورزی سے بچنے کے لیے  اس کو چاہیے کہ دوسرے کو اس میں  شریک کردے ۔

قال اللہ تعالی:﴿وَأَوْفُوا بِالْعَهْدِ إِنَّ الْعَهْدَ كَانَ مَسْئُولًا﴾۔(الإسراء:34)

( سئل ) فيما إذا وعد زيد عمرا أن يعطيه غلال أرضه الفلانية فاستغلها وامتنع من أن يعطيه من الغلة شيئا فهل يلزم زيدا شيء بمجرد الوعد المزبور ؟ ( الجواب ) : لا يلزمه الوفاء بوعده شرعا وإن وفى فبها ونعمت۔(تنقيح الفتاوى الحامدية، مسائل فوائد شتى من الحظر والإباحة وغير ذلك، ج:2، ص:352)