واضح رہے کہ جس طرح زبانی تلفظ سے طلاق واقع ہوتی ہےاسی طرح تحریر کے ذریعے بھی طلاق واقع ہوتی ہے،چنانچہ اگر کوئی شخص بغیر کسی جبر واکراہ کے کسی کاغذ وغیرہ  پر طلاق کی نیت سے طلاق تحریر کرے تو اس سے طلاق واقع ہو جائے گی ، نیز وقوع طلاق کےلیے طلاق دیتے وقت بیوی کا موجود ہونا یا اس کو طلاق کا علم ہونا بھی ضروری نہیں ،اور کاغذ کے پھاڑنے سے طلاق کے وقوع پر کوئی اثر نہیں پڑتا۔

         صورت مسئولہ کے مطابق جب مذکورہ شخص نے طلاق کی نیت سے کاغذ پر یہ الفاظ لکھےہیں کہ"میں اپنی بیوی کو تین طلاق دیتاہوں ،آج کے بعد وہ میری طرف سے مکمل طور پر آزاد ہے" تواس کی بیوی پرتین طلاقیں واقع ہو چکی ہیں ، اور وہ مطلقہ مغلظہ بن کر شوہر پر حرام ہو چکی ہے، اگرچہ بیوی کو اس تحریر کے متعلق کوئی علم نہ ہو۔ طلاق لکھنے کے بعدکاغذ پھاڑنے سے طلاق کے وقوع پر کوئی اثر نہیں پڑتا۔لہذا ان پر لازم ہے کہ فوراً ایک دوسرے سے الگ ہوجائیں۔

وإن كانت مستبينة لكنها غير مرسومة إن نوى الطلاق يقع وإلا فلا وإن كانت مرسومة يقع الطلاق نوى أو لم ينو ثم المرسومة لا تخلو أما إن أرسل الطلاق بأن كتب أما بعد فأنت طالق فكلما كتب هذا يقع الطلاق وتلزمها العدة من وقت الكتابة۔(الفتاوٰی الھندیۃ، کتاب الطلاق، الفصل السادس فی الطلاق بالکتابۃ، ج:1، ص:446 )

فروع كتب الطلاق إن مستبينا على نحو لوح وقع إن نوى وقيل مطلقا۔ قال ابن عابدین:وإن كانت مرسومة يقع الطلاق نوى أو لم ينو  ثم المرسومة لا تخلو أما إن أرسل الطلاق بأن كتب أما بعد فأنت طالق فكما كتب هذا يقع الطلاق وتلزمها العدة من وقت الكتابة۔(ردالمحتار، کتاب الطلاق، مطلب فی الطلاق بالکتابۃ، ج:4، ص:455)