واضح رہے کہ جب کوئی  شخص دوکاندار کے لیے کوئی گاہک مہیا کرتا ہے تو اس میں اس شخص کی حیثیت دلال کی سی ہےاور دلال کی اجرت کو فقہا ئے کرام نے جائز قرار دیا ہے۔

            صورت مسٔولہ میں  اگر کوئی میڈیسن والا دوکاندار کسی مريض  کی رضامندی کے ساتھ اس کا خون لیکر اس کو کسی لیبارٹری والے  کے پاس  لے جاتا ہے تو اس صورت میں  چونکہ یہ  دلال ہے اس لیے  اس کا کمیشن لینا جائز ہے بشرطیکہ کمیشن پہلے سے  متعین ہو اور  وہ  مریض کو کسی ایسی با اعتماد لیباٹری والے کے پاس لے جاتا ہو جہاں نہ اس  ٹیسٹ  میں کوتاہی کی جاتی  ہو اور نہ ہی وہ لیبارٹری والے مروجہ قیمت سے زیادہ پیسے وصول  کرتے ہوں۔

وفي الحاوي: سئل محمد بن سلمة عن أجرة السمسار، فقال: أرجو أنه لا بأس به وإن كان في الأصل فاسدا لكثرة التعامل وكثير من هذا غير جائز، فجوزوه لحاجة الناس إليه. ( رد المحتار على الدر المختار، باب ضمان الأجير، ج:9ص:87 )