واضح رہے کہ ناخنوں کے اندر جو پاک میل کچیل اور مٹی  وغیرہ رہ جاتی ہے تو اس کے ہوتے ہوئے بھی وضو اور غسل صحیح ہوتا ہے،بشرطیکہ یہ پانی پہنچنے سے مانع نہ ہو،البتہ اگر  کوئی نظر آنے والی نجاست غلیظہ جیسے پاخانہ ،جانوروں کا گوبر وغیرہ ناخنوں کے اندر رہ جائے تو اس  کو دور کیے بغیر وضو اور غسل درست نہیں ہوں گے ،اس لیے کہ نجاست غلیظہ سے جو پانی لگ کر بدن کے مذکورہ حصے تک پہنچتا ہے تو وہ نجس ہو کر پہنچتا ہے اور نجس پانی کے ساتھ طہارت حاصل نہیں ہوتی ،چنانچہ اس حصہ کی طہارت حاصل نہ ہوگی۔  

          لہذا صورت مسئولہ میں جو کوڑا کرکٹ  کھیت میں بطور کھاد ڈالا جاتا ہے اگر اس میں جانوروں کا گوبر بھی ہو تو وہ چونکہ نجاست غلیظہ مرئیہ میں سے ہے اس لیے اس کو زائل کرنا ضروری ہے،چنانچہ اس نجاست کے ہوتے ہوئے وضو اور غسل درست نہیں ہوں گے،اس لیےکہ نجاست  اگر پانی پہنچنے  سے مانع نہ بھی ہو تو بھی جو پانی اس نجاست سے لگ کر مذکورہ حصے   تک پہنچتا  ہے وہ نجس ہو کر پہنچتا ہے اور نجس پانی کے ساتھ طہارت  حاصل نہیں ہوتی۔ تاہم اگر کوڑا کرکٹ کا ڈھیر اتنا پرانا ہو چکا ہو کہ گوبر وغیرہ اس میں مٹی میں تبدیل ہو گئے ہوں تو پھرناخنوں میں اس کی موجودگی میں بھی وضو اور  غسل صحیح ہوں گے ،بشرطیکہ پانی پہنچنے سے مانع نہ ہو ،اس لیے کہ ماہیت بدلنے سے حکم میں  بھی تبدیلی آجاتی ہے۔

وفي الجامع الأصغر: إن كان وافر الأظفار وفيها درن أو طين أو عجين أو المرأة تضع الحناء جاز في القروي والمدني. قال الدبوسي: هذا صحيح وعليه الفتوى. وقال الإسكاف: يجب إيصال الماء إلى ما تحته إلا الدرن لتولده منه. وقال الصفار فيه: يجب الإيصال إلى ما تحته إن طال الظفر۔(فتح القدیر،کتاب الطہارۃ،ج:2،ص:13)

لأن الماء متى لاقى النجاسة تنجس، سواء ورد الماء على النجاسة، أو وردت النجاسة على الماء، والتطهير بالنجس لا يتحقق۔(بدائع الصنائع،کتاب الطہارۃ،فصل فیِ طریق التطھیر بالغسل،ج:1،ص:448)

(قوله: والنجس المرئي يطهر بزوال عينه إلا ما يشق) أي يطهر محله بزوال عينه؛ لأن تنجس المحل باعتبار العين فيزول بزوالها۔(البحرالرائق،کتاب الطہارۃ،باب الأنجاس،ج:1،ص:409)

وعبارة المجتبى: جعل الدهن النجس في صابون يفتى بطهارته؛ لأنه تغير والتغير يطهر عند محمد ويفتى به للبلوى.(ردالمحتار علی الدرالمختار،کتاب الطہارۃ،باب الأنجاس ج:1،ص:519 )