نماز میں تمام الفاظ اور حروف کو صحیح تلفظ کے ساتھ ادا کرنا ضروری ہے، تاہم فرض اور واجب قراءت کے علاوہ تکبیرات انتقال، تسبیح، تسمیع اورتحمید وغیرہ میں اگر ایسی غلطی ہوجائےجس سے معنی میں واضح بگاڑ پیدا نہ ہو تا ہو، تو اس سے نماز کی صحت پر اثر نہیں پڑھتا، البتہ قصداً و عمداً غلط پڑھنے سے اجتناب کرنا لازم ہے۔

            صورت مسئولہ میں  اگر امام غیر ارادی طور پر "سمع اللہ لمن حمدہ" کی بجائے "سمع اللہ لمل حمدہ" پڑھتا ہو تو اس سے نماز کی صحت متاثر نہیں ہوتی ،اور اس کے پیچھے نماز پڑھنا بھی درست ہے،البتہ امام کو صحیح پڑھنے کی کوشش کرنی چاہیے ۔

سئل زين المشائخ البقالي عن من قال في ركوعه "سبحان ربي العظوم" قال لاتفسد، وقيل له:لو قال"سبحان ربي العذيم"؟ قال: لاتفسد. (الفتاوى التاتارخانية، كتاب الصلوة، الفصل الثاني، مسائل زلة القاري، ج:2، ص:88)