شرعی نقطہ نظر سے کسی کاغذ، کپڑے یا دوسری چیزوں پر اسمائے باری تعالی، قرانی آیت لکھنے میں کوئی حرج نہیں۔تاہم جہاں کہیں ان مبارک کلمات کی بے ادبی کا خدشہ ہو تو فقہائے کرام نے ایسے مقامات پر اسمائے باری تعالی، آیات قرانیہ یا کلمات طیبہ لکھنے کی ممانعت فرمائی ہے۔

         صورت مسئولہ کے مطابق لیبارٹری میں خون یا پیشاب سے بھری بوتل پر اسمائے باری تعالی، انبیاءکرام یا دیگر کلمات طیبہ سے مرکب نام لکھنا بے ادبی سے خالی نہیں، کیونکہ اکثر یہ بوتل استعمال کے دوران ناپاک ہوجاتے ہیں۔نیز  استعمال کے بعد ان بوتلوں کو کوڑاکرکٹ میں پھینکا جاتا ہے۔اس لیے پہچان کے لیےان پر اسمائے باری تعالی یادیگر مقدس کلمات سے مرکب نام لکھنے کی بجائے کوئی کنایہ، کوڈ نمبر یا نام کے مقدس کلمہ کی جگہ انگریزی کے حروف AB وغیرہ  لکھنا چاہیے۔

لا بأس بكتابة اسم الله تعالى على الدراهم؛ لأن قصد صاحبه العلامة لا التهاون، كذا في جواهر الأخلاطي۔۔۔وعلى هذا إذا كان في جيبه دراهم مكتوب فيها اسم الله تعالى، أو شيء من القرآن فأدخلها مع نفسه المخرج يكره،(الفتاوی الھندیة، کتاب الکراھیة، الباب الخامس فی اداب المسجد، ج:5،ص:373، دارالفکر)

بساط أو مصلى كتب عليه الملك لله يكره بسطه والقعود عليه واستعماله، وعلى هذا قالوا: لا يجوز أن يتخذ قطعة بياض مكتوب عليه اسم الله تعالى علامة فيما بين الأوراق لما فيه من الابتذال باسم الله تعالى،أیضاً ج:5، ص:374)