شریعت مطہرہ نے ہر اس  معاملہ کو ممنوع قرار دیا ہے، جس میں جہالت کی وجہ سے طرفین کے باہمی نزاع کا خطرہ ہو،  چنانچہ   اجارہ میں  یہ ضروری ہے کہ اجرت اور مدت اجارہ متعین ہو، ورنہ عدم تعیین کی صورت میں اجارہ فاسد رہتا ہے ۔

          صورت مسئولہ میں چونکہ جانور کے بچے پیدا ہونے کا کوئی قطعی اور یقینی علم نہیں ہوتا، اس لئے جانور پالنے کی اجرت بچے مقرر کرنا جائز نہیں، اس کی بجائے پیسوں وغیرہ کی شکل میں اجرت متعین کی جائے۔

وكذا لو دفع الدجاج على أن يكون البيض بينهما أو بزر الفيلق على أن يكون الإبريسم بينهما لا يجوز والحادث كله لصاحب الدجاج والبزر.  ( الفتاوی الھندية، کتاب الاجارۃ،  الباب الخامس عشر ما یجوز من الاجارۃ وما لا یجوز،  الفصل الثالث فی قفیز الطحان وما ہو معناہ،ج :4 ص: 481)