شرعی نقطہ نظر سے وفات کے وقت میت کی ملکیت میں جو کچھ موجود ہو وہ سب اس کے ترکہ میں سے شمار ہوتا ہے، جسے ورثا کے مابین ان کے شرعی حصص کے بقدر تقسیم کیا جائے گا ۔تقسیم ترکہ سے پہلے کسی وارث کو یہ حق نہیں کہ وہ مشترکہ ترکہ میں سے دیگرورثا کی رضامندی کے بغیر کوئی تصرف کرے ،البتہ اگر سب  ورثا راضی ہوں تو ان کی رضامندی سے ترکہ میں تصرف کرنے کی اجازت ہے۔

            صورتِ مسئولہ کے مطابق جب میت کے تمام ورثا بالغ ہوں اور وہ میت کے استعمال شدہ اشیا (کپڑے، جوتے وغیرہ) باہمی رضامندی سے کسی کو صدقہ کرنا چاہیں تو شرعاً ان کو اس کا اختیار حاصل ہے ۔

لأن تركة الميت ماتركه الميت من الأموال صافيا عن تعلق حق الغير بعين من الأموال۔ (ردالمحتار ، كتاب الفرائض ، ج:10 ص: 493)

يجوز لأحد أصحاب الحصص التصرف مستقلا في الملك المشترك بإذن الآخر ، لكن لايجوز له أن يتصرف تصرفا مضرا بالشريك ، والإذن نوعان: صريح و دلالة ، ففي الأول يتصرف الشريك بحصة شريكه كما أذنه سواء أضر أو لم يضر فله أن يرهن و يبيع أو يهب ۔(شرح المجلة لسليم رستم باز ، الكتاب العاشر  في أنواع الشركات ، الفصل الثاني ، الماده: 1071 ص:600)