فقہاےکرامؒ کی عبارات سےمعلوم ہوتاہےکہ شیعہ علی الاطلاق کافر نہیں ،بلکہ جن کےعقائدکفرکی حدتک پہنچےہوں، مثلاً وہ قرآن پاک میں تحریف کے قائل ہوں یا حضرت علی رضی اللہ عنہ کو الہٰ  مانتے ہوں ، یا حضرت ابوبکر صدیق کی صحابیت کے منکر ہوں ،یا جبریل علیہ السلام کے  متعلق یہ عقیدہ رکھتے ہوں کہ ان سے وحی پہنچانے میں غلطی ہوگئی یا حضرت عائشہ رضی اللہ عنہا پر بہتان لگاتے ہوں، وہ اسلام سے خارج ہیں ،البتہ وہ فرقہ جس کے عقائد کفرکی حدتک نہ پہنچےہوں ،انہیں کافرنہیں کہاجاسکتا۔

               صورت مسئولہ کےمطابق جوشخص شیعہ کوعلی الاطلاق کافرنہیں سمجھتا ،بلکہ  جن کےعقائدنصوص کےخلاف ہیں ،انہیں کافرسمجھتاہےتو چونکہ اس کایہ عقیدہ اہل السنۃ والجماعۃ کےعقائدکےموافق ہے،اس لیےاس کواس پر   ملامت  نہیں کیاجاسکتا،لہذا اس کودوسرےمسلمانوں کی طرح قربانی میں شریک کرناجائزہے،اوردیگرشرکا کی قربانی  اس کی شرکت کی وجہ سےمتاثرنہ ہوگی۔

نعم لا شك في تكفير من قذف السيدة عائشة - رضي الله تعالى عنها - أو أنكر صحبة الصديق، أو اعتقد الألوهية في علي أو أن جبريل غلط في الوحي، أو نحو ذلك من الكفر الصريح المخالف للقرآن...وأما الرافضي ساب الشيخين بدون قذف للسيدة عائشة ولا إنكار لصحبة الصديق ونحو ذلك فليس بكفر فضلا عن عدم قبول التوبة بل هو ضلال وبدعة. (ردالمحتارعلى الدرالمختار، كتاب الجهاد، باب المرتد، مطلب مهم في حكم سب الشيخين، 6/378، دارالکتب العلمیة)