شریعتِ  مطہرہ  کی رو سے  قرض کو اس  کی مثل سے ہی ادا کیا جائے گا اور قرض خواہ کے لیےاس  کے علاوہ کسی اور چیز  کا مطالبہ کرنا جائز نہیں۔

        لہذا صورتِ مسئولہ میں زید کا عمرو کو ایک لاکھ پاکستانی روپے قرض دے کر دو ماہ بعد دس ہزار ڈالر کی واپسی کی شرط لگانا  شرعاً جائز نہیں ۔ تاہم اگر زید  عمرو سے پاکستانی روپے کے بدلے ڈالر  موجودہ قیمت سے کم قیمت پرادھار خرید لے اور پاکستانی روپے مجلس عقد ہی میں ادا کر کے عمرو اس پر قبضہ کرلے  مثلاً: اگر آج  فی ڈالر کی قیمت ایک سو گیارہ روپے ہے جس کے حساب سے تقریبا  نوسو ڈالر بنتے ہیں ، لیکن زید اس کی قیمت  سو روپے لگادے جس کے حساب سے ایک لاکھ کے ہزار ڈالر بنتے ہیں، تو یہ  معاملہ جائز ہوگا، کیو نکہ ہر ملک کی کرنسی دوسرے ملک کی کرنسی سے مختلف الجنس ہوتی ہے اس لیے اس میں تفاضل اور نسیئہ دونوں جائز ہیں،البتہ مجلس ِعقد میں کسی ایک پر قبضہ ضروری ہے۔

الديون تقضى بأمثالها۔(ردالمحتار، كتاب الشركة، مطلب في قبول قوله دفعت المال، ج:6،ص:495)

قال وإذا عدم الوصفان الجنس والمعنى المضموم إليه حل التفاضل والنساء لعدم العلة المحرمة۔(الهداية، كتاب البيوع، باب الربا، ج:3، ص:83)

القرض لا يتعلق بالجائز من الشروط فالفاسد منها لا يبطله ولكنه يلغو شرط رد شيء آخر۔(الدرالمختار على صدر ردالمحتار، كتاب البيوع، باب المرابحة والتولية، فصل في القرض، ج:7،ص:394)